БАРГУЗОРИИ ИҶЛОСИЯИ ДУЮМИ МАҶЛИСИ ВАКИЛОНИ ХАЛҚИ НОҲИЯИ ФИРДАВСИИ ШАҲРИ ДУШАНБЕ, ДАЪВАТИ ҲАФТУМ

Нимаи дуюми рӯзи 15 июли соли 2025 Иҷлосияи дуюми Маҷлиси вакилони халқи ноҳияи Фирдавсии шаҳри Душанбе, даъвати ҳафтум баргузор гардид. Дар кори иҷлосия муовини якум, муовинони Раиси ноҳия, роҳбари дастгоҳи Раиси ноҳия, сардорони воҳидҳои сохтории мақомоти иҷроия, роҳбарони мақомоти ҳифзи ҳуқуқ, роҳбарони муассисаҳои тандурустӣ, маориф, бозорҳои ҳудуди ноҳия, раисони Шўрои маҳаллаҳо ва сардорони нозироти минтақавии «Идоракунӣ ва хизматрасонии фонди манзилӣ» инчунин сархатиби ноҳия иштирок намуданд. Дар он масъалаҳои зерин, аз ҷумла:
1. Гузориши муовини Раиси ноҳияи Фирдавсии шаҳри Душанбе - сарпарасти соҳаи иқтисодиёт дар бораи «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025» ва рафти иҷрои Нақша чорабиниҳои Мақомоти иҷроияи ҳокимияти давлатии ноҳияи Фирдавсии шаҳри Душанбе дар ин самт.
2. Гузориши муовини Раиси ноҳияи Фирдавсии шаҳри Душанбе - сарпарасти соҳаи маънавиёт дар бораи «Барномаи давлатии дарёфт ва рушди истеъдодҳо барои солҳои 2021-2025» ва рафти иҷрои Нақша чорабиниҳои Мақомоти иҷроияи ҳокимияти давлатии ноҳияи Фирдавсии шаҳри Душанбе дар ин самт.
3. Гузориши муовини Раиси ноҳияи Фирдавсии шаҳри Душанбе - сарпарасти соҳаи иқтисодиёт дар бораи ҷамъбасти натиҷаҳои рушди иқтисодию иҷтимоии ноҳияи Фирдавсии шаҳри Душанбе дар нимсолаи аввали соли 2025 ва вазифаҳо барои нимсолаи дуюм.
4. Дар бораи таъсиси Комиссияи муваққатии Маҷлиси вакилони халқи ноҳияи Фирдавсии шаҳри Душанбе оид ба татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон».
5. Дар бораи пеш аз муҳлат қатъ намудани ваколати вакили Маҷлиси вакилони халқи ноҳияи Фирдавсии шаҳри Душанбе аз ҳавзаи интихоботии №32.
6. Дар бораи таъин намудани интихобот дар ҳавзаи интихоботии №32.
7. Дар бораи таъсис додани Комиссияи ноҳиявии интихобот оид ба интихоботи Маҷлиси вакилони халқи ноҳияи Фирдавсии шаҳри Душанбе.
8. Дар бораи бақайдгирии гурӯҳи вакилии ҳизбӣ аз ҳисоби вакилони Ҳизби Халқии демократии Тоҷикистон дар Маҷлиси вакилони халқи ноҳияи Фирдавсии шаҳри Душанбе, ки бо қарори Маҷлиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ аз 17 апрели соли 2025, №2 тасдиқ гардидааст.
9. Дар бораи тасдиқи қарорҳои Раиси ноҳияи Фирдавсии шаҳри Душанбе мавриди баррасӣ қарор дода шуда, дар робита ба ҳар як масъала қарорҳои дахлдор қабул карда шуданд.
Дар қисмати охири иҷлосия, Раиси маҷлиси вакилони халқи ноҳияи Фирдавсии шаҳри Душанбе, муҳтарам Дилшод Сафарзода масъалаҳои марбут ба самтҳои ободонӣ, мушкилоти коммуналӣ ва дигар камбудиҳои ҷойдоштаро дар фаъолияти соҳаҳо мавриди баррасӣ қарор дода, ба масъулин дар самти ислоҳи саривақтии онҳо муҳлат ва дастуру супоришҳои қатъӣ доданд.