ТАНТАНАҲОИ ТАҶЛИЛ АЗ ҶАШНИ НАВРӮЗИ БАЙНАЛМИЛАЛӢ ДАР НОҲИЯИ ФИРДАВСИИ ШАҲРИ ДУШАНБЕ

Санаи 20 марти соли 2025 дар МД «Боғи фарҳангии фароғатии ба номи А.Фирдавсӣ» дар фазои идона бо иштироки, муовини Раиси шаҳри Душанбе, И.в. Раиси ноҳияи Фирдавсӣ ва намояндагони ҳамаи сохторҳои ноҳия, аз ҷумла намояндагони шӯрои маҳаллаҳо ва муассисаҳои таълимии ҳудуди ноҳия чорабинии тантанавӣ бахшида ба таҷлил аз куҳанҷашни ниёгони пурифтихор - Наврӯзи байналамилалӣ ташкил ва баргузор карда шуд. Дар чорабинӣ дастовардҳои ҳунарӣ, косибӣ ва анвои гуногуни хурокҳо ва либосҳои миллӣ ба маррази тамошо гузошта шуда, ба фазои идона ҳусну таровати тоза зам карда шуд. Аз чорабинии мазкур меҳмонони хориҷӣ аз давлатҳои ҳавзаи тамаддуни Наврӯз ва кишварҳои муштаракулманофеъ дидан намуда, бо таассуротҳои наҷиб ба он баҳои баланд доданд. Дар қисмати фарҳангии чорабинӣ муовини Раиси шаҳри Душанбе Саломзода Раҳмиддин, И. в. Раиси ноҳияи Фирдавсӣ Сафарзода Дилшод Ғанӣ ва дигар меҳмонони расмӣ иштирок намуданд. Сараввал, Раҳмиддин Саломзода - муовини Раиси шаҳри Душанбе ба сухан баромада, табирикоти Раиси шаҳри Душанбе, муҳтарам Рустами Эмомалиро ба ҳозирин расонида, ҳамагонро ба ин ҷашни фархунда самимона шодбош гуфт. Сипас, Сафарзода Дилшод Ғанӣ - И. в. Раиси ноҳияи Фирдавсӣ зимни ироаи баромади расмӣ бо таманнои хушиҳои камназир ва сарсабзиву шукуфоии Тоҷикистони азиз иди баҳору зебоӣ - Наврӯзи оламафрӯзро ба кулли сокинони шарафманди ноҳия ва меҳмонону иштирокдорон шодбош гуфта, афзуд, ки «Наврўз яке аз ҷашнҷои қадимаи миллати тоҷик буда, рамзи ғалабаи некӣ бар бадӣ, рушноӣ бар торикӣ мебошад. Бо омадани ин ҷашн на танҳо дашту биёбон, боғу гулгаштҳо қабои идона ба бар карда, дар замири инсонҳо ҳисси шодию сурур падид меояд». Чорабиниро ҳунарнамоии овозхонони маъруф ва ансамбли дуторнавозони назди Мақомоти иҷроияи ҳокимияти давлатии ноҳия ҷаззобу диданӣ гардонида, тавассути ҳунару маҳорати баланди иҷроиш фарҳанги асили миллиамон мураррифӣ карда шуд.