БАРГУЗОРИИ ҶАЛАСАИ НАЗОРАТИИ НАЗДИ РАИСИ НОҲИЯИ ФИРДАВСӢ

Санаи 20 феврали соли 2025 ҷаласаи кории И.в. Раиси ноҳия Сафарзода Дилшод Ғанӣ доир гардид. Дар ҷаласа муовинони Раиси ноҳия, роҳбари дастгоҳ, раисони шаҳраку маҳаллаҳо ва дигар масъулини воҳидҳои сохтории мақомоти иҷроия иштирок намуданд. Раиси ноҳия вобаста ба ҷоннок намудани корҳо дар самти ислоҳи камбудиҳои ҷойдошта, бахусус ҳалли мушкилоти коммуналӣ, баровардани саривақтии партовҳо, иҷрои нақшаи даъвати ҷавонон ба саффи Қувваҳои мусаллаҳ, банақшагирии раванди роҳандозии корҳои ободониву созандагӣ дар ноҳия, инчунин омодагӣ ба иду ҷашнҳои дарпешистода дастуру супоришҳои мушаххас доданд. Инчунин, сардори РИР-и ноҳия ва раиси маҳаллаи Ҳосилот-1 аз рафти корҳои ободонӣ дар маҳал гузориш доданд.