ВОХУРИИ ҲАЙАТИ ГУРУҲИ ТАБЛИҒОТИИ МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ДУШАНБЕ БО СОКИНОНИ МАҲАЛЛАИ ГУЛБУТТАИ НОҲИЯИ ФИРДАВСӢ

Санаи 19 февралисоли 2025 дар толори Муассисаи таҳсилоти миёнаи умумӣ №124-и ноҳия оид ба омӯзиш ва шарҳу тавзеҳи паёми Президенти Ҷумҳурии Тоҷикистон аз 28 декабри соли 2024 "Дар бораи самтҳои асосии сиёсати дохилӣ ва хориҷии Ҷумҳурии Тоҷикистон" бо сокинони маҳаллаи Гулбутта вохурии ҳайати гурӯҳи таблиғотии Мақомоти иҷроияи ҳокимияти давлатии шаҳри Душанбе ташкил ва баргузор гардид. Дар он зикр гардид, ки Ҳукумати мамлакат бо истифода аз ҳамаи захираву имкониятҳои мавҷуда ҷиҳати мунтазам беҳтар гардонидани шароити зиндагии мардум нақшаҳои бузурги созандагиро роҳандозӣ карда истодааст. Бояд хотирнишон намуд, ки танҳо баҳри мусоидат ҷиҳати баланд бартоштани сатҳи зиндагии аҳолии мамалакат ҳаҷми маош, нафақа ва идрорпулиҳо дар 5 соли охир чор маротиба - солҳои 2020, 2022, 2023, 2024 ва дар маҷмуъ, ба андозаи 100 фоиз зиёд карда шудаст, ки ин ҷиҳати ба маротиб беҳтар гаштани вазъи иҷтимоии аҳолии мамлакатмон таъсири мусбӣ расонида, дар болоравии зарфияти истеҳсолӣ ва таваҷҷуҳи тамоми қишрҳои ҷомеаи ватанӣ ба бунёдкориву созандагӣ таъсири амиқ мерасонад. Бо қаноатмандӣ аз сиёсати созандаи ҳукумати мамлакат маърузачиён қайд намуданд, ки мо бо чунин мардуми ватандӯсту заҳматкаш зери роҳнамоиҳои падаронаи Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон тамоми нияту нақшаҳои некамонро дар солҳои наздиктарин амалӣ мегардонем ва Тоҷикистони азизамонро ба як кишвари пешрафтаву неруманд ва ободу сарсабз табдил медиҳем.