ВУСЪАТИ КОРҲОИ ОБОДОНИВУ СОЗАНДАГӢ ДАР НОҲИЯИ ФИРДАВСӢ

Дар доираи Нақшаи чорабиниҳои Мақомоти иҷроияи ҳокимияти давлатии ноҳияи Фирдавсии шаҳри Душанбе оид ба таҷлили сазовор аз ҷашни 35 – солагии Истиқлолияти давлатии Ҷумҳурии Тоҷикистон бо ташаббуси Мақомоти иҷроияи ҳокимияти давлатии ноҳия дар маҳаллаҳои Дарёобод, Сарикиштии боло, Сарикиштии поён ва Доманакӯҳ корҳои ободониву созандагӣ, бахусус асвалтпӯш намудани роҳи байни маҳаллаҳо ва таъмиру тармими манзилҳои истиқоматӣ ҷараён гирифта, тадбирҳои мазкур бо маром идома доранд. Ёдовар мешавем, ки бо мақсади ободу зебо намудани гӯшаву канори пойтахти кишварамон чунин тадбирҳо бо дастур ва назорати бевоситаи Раиси ноҳия, муҳтарам Умед Гуреззода дар тамоми ҳудуди ноҳияи Фирдавсӣ роҳандозӣ карда шуда, корҳо бо сифати баланд ва ҷавобгӯ ба талаботи стандарти сифат анҷом ёфта истодаанд.